Rhekhodo ya 35: (a yi funghiwangi)
Nomboro ya Xitiviso 1311
Nomboro ya Gazette ya Swinawana 6666
Siku 19991105
XITIVISO XA MFUMO
Nomboro ya R. 1311
Hukuri 1999
SWINAWANA EHANSI KA NAWU WA MADZOLONGA YA MINDYANGU, 1998 (NAWU WA 116 WA 1998)
Holobye wa Vululami ehansi ka xiyenge xa 19 xa Nawu wa Madzolonga ya Mindyangu, 1998 (Nawu wa 116 wa 1998), u endle swinawana eka Xedulu.
XEDULU
Tinhlamuselo
Eka swinawana leswi rito rihi na rihi kumbe nhlamuselo leyi nyikiwaka eka Nawu yi ta va na nhlamuselo yeleyo, handle ka loko swi hlamuseriwa hi ndlela yin?wana-
Nawu? swi vula Nawu wa Madzolonga ya Mindyangu, 1998 (Nawu wa 116 wa 1998).
Xitiviso lexi nga na mahungu
Xitiviso lexi kumekaka eka xiyenge xa 2(b) xa Nawu xi fanele ku va na mahungu laya kumekaka eka Fomo ya 1 ya Annexure.
Nhlamuselo ya xitiviso
Hi xikongomelo xa xiyenge xa 2(c) xa Nawu xirho xa Mintirho ya Maphorisa ya Afrika Dzonga xi faneke ku:
a Hlamusela mumangari i Leswaku xirho xa xa Mintirho ya Maphorisa ya Afrika Dzonga xi ta pfuneta ku ya hi laha swi lavekaka ha kona, ku katsa ku pfuna kumbe ku endla malunghiselelo yo kuma Vutumbelo bya kahle no kuma vutshunguri bya mirhi.
ii Mfanelo wa yena wo endla xikombelo xa nsirhelelo ku sivela mumangaleriwa ku yisa emahlweni a endla madzolonga ya mindyangu, hambi loko ku nga ha mangariwangi, ku vona leswaku ku na ku hlayiseka na rihanyo lerinene.
iii Mfanelo wa yena wo endla xivilelo, na iv xikongomelo xa xitiviso.
b loko mumangari a nga swi koti ku hlaya xitiviso, hlayela mumangari xitiviso lexi boxiweke eka xinawana xa 2, kumbe teka magoza laya twalaka loko swi boha ku va xitiviso xi hlayeriwa mumangari.
c vutisisa mumangari loko a i twisisa vundzeni bya xitiviso; na loko a ii lava mahungu man?wana mayelana no pfuniwa ku ya hi Nawu na mfanelo yo endla xivilelo;
d hlamusela, ku ya hilaha u swi kotaka ha kona, eka mumangari hi ku kombela ?
i xiphemu xihi na xihi xa xitiviso lexi mumangari a nga xi twisiseki; na ii switshunxo swa yena ku ya hi Nawu na mfanelo wo endla xivilelo; no e tivisa mumangari leswaku a kuma mahungu man?wana kusuka eka matsalana wa khoto ya majisitarata loko swivutiso swa yena swi nga hlamuriwa.
 Mumangari a nga endla xikombelo ekhoto ku kuma xileriso xa nsirhelelo hi ndlela leyi fambelanaka na Fomo ya 2 ya Annexure.
Xikombelo lexi ku vulavuriwaka hi xona eka xinawana ntsongo xi fanele ku endliwa hi ndlela ya affidavit laha ku faneleke ku hlamuseriwa a. timhaka ta xikombelo;
b. xivangelo xa xileriso lexi komberiweke; na c. vito ra xitici xa maphorisa laha mumangari a nga mangalaka ku tluriwa kwihi na kwihi ka xileriso xa nsirhelelo.
Laha xikombelo xi tisiwaka hi munhu un?wana la yimela
Mumangari, affidavit leyi boxiweke eka xinawana xa yi fanele ku hlamuseriwa kumbe ku va na a swivangelo leswi leswi munhu yoloye a nga na ku tsakela eka nhundzu eka vunene bya mumangari;
b ntirho wa munhu yoloye na xiyimo lexi munhu yoloye a tisaka xikombelo; naswona c handle ka milandzu leyi nga katsiwiki hi swilaveko swa tindzimana na a na d ta xiyenge xa 43 xa Nawu, mpfumelelo lowu tsariweke wa mumangari.
Mahungu ya ta nyikiwa hi matsalana wa khoto
 Hi xikongomelo xa 4 xa Nawu, loko mumangari a nga yimeriwangi hi muyimeri wa nawu, matsalana wa khoto u fanele, a nyika mumangari xitiviso lexi tsariweke lexi nga na mahungu lawa ya kumekaka eka Fomo ya 3 ya Annexure, leyi faneleke ku va hi ririmi ra ximfumo leri mumangari a ri tsakelaka.
b Hlaya xitiviso kumbe a endla leswaku xitiviso xi hlayeriwa mumangari, loko mumangari a nga swi koti ku hlaya;
c Vutisa mumangari loko i a twisisa vundzeni bya xitiviso; na ii a lava mahungu man?wana mayelana na mpfuno lowu kumekaka ku ya hi Nawu na mfanelo yo mangala nandzu; na d Kuya hi xikombelo xa mumangari, u hlamusela ku ya emahlweni, ku ya hilaha u nga swi kotaka ha kona i xiphemu xihi na xihi xa xileriso lexi mumangari a nga xi twisisiku; na ii mpfuno lowu kumekaka ku ya hi Nawu na mfanelo yo mangala nandzu.
Ku nyikiwa xileriso xa nsirhelelo xa nkarhinyana
Xileriso xa nsirhelelo xa nkarhinyana lexi hlamuseriwaka eka hi vuenti eka xiyenge xa 5 xa Nawu xi fanele ku va hi xiyimo xa Fomo ya 4 ya Annexure.
Xitiviso xo kombisa xivangelo
Xitiviso lexi lavaka leswaku mumangaleriwa a nyika xivangelo xo va xileriso xa nsirhelelo xi nga nyikiwi, lexi hlamuseriwaka eka xiyenge xa 5 xa Nawu, xi fanele ku va hi xivumbeko xa Fomo ya 5 ya Annexure.
Ku nyikiwa ka xileriso xa nsirhelelo
Xileriso xa nsirhelelo lexi hlamuseriwaka hi vuenti eka xiyenge xa 6 xa Nawu xi fanele ku-
a hi nkarhi lowu xileriso xa nsirhelelo xa nkarhinyana xi nga humesiwa, hi xivumbeko xa Fomo ya 6 ya Annexure; kumbe b hi nkarhi lowu xileriso xa nsirhelelo xa nkarhinyana xi nga humesiwangiki, hi xivumbeko xa Fomo ya 7 ya Annexure.
Ku nyikiwa ka xileriso xo pfalela
Xileriso xo pfalela lexi hlamuseriwaka hi vuenti eka xiyenge xa 8 (a) xa Nawu xi fanele ku pfumeleriwa no humesiwa hi xivumbeko xa Fomo ya 8 ya Annexure.
Affidavit yo yisa emahlweni xileriso xo pfalela
Affidavit leyi hlamuseriwaka hi xitalo eka xuyenge xa 8 xa Nawu hi xikongomelo xo kuma xileriso xa vumbirhi kumbe xileriso xin?wana xo pfalela xi fanele ku va hi xivumbeko lexi fambelanaka na Fomo ya 9 ya Annexure.
Affidavit mayelana no tlula xileriso xa nsirhelelo
Affidavit leyi hlamuseriwaka hi vuenti eka xiyenge xa 8 (a) xa Nawu laha swi hlamuseriwaka leswaku mumangaleriwa u t lule swipimelo, swiboho kumbe xileriso lexi nga le ka xileriso xa nsirhelelo yi fanele ku va hi xivumbeko lexi fambelanaka na Fomo ya 10 ya Annexure.
Xitiviso lexi tsariweke xa mumangaleriwa leswaku a va kona ekhoto
 Xiltiviso lexi tsariweke lexi hlamuseriwaka hi vuenti eka xiyenge xa 8 (c) xa Nawu lexi vulaka leswaku mumangaleriwa u fanele ku va kona ekhoto hi ku xihehlo xa nandzu lowu boxiweke eka xiyenge xa 17(a) xa Nawu xi fanele ku va hi xibumbeko lexi fambelanaka na Fomo ya 11 ya Annexure.
Mumangaleriwa wihi na wihi loyi a komberiwaka ku va kona ekhoto ku ya hi xitiviso lexi tsariweke lexi boxiweke eka xinawana xa 1 naswona loyi a tsandzekaka ku a va kona eka ndhawu na hi siku na nkarhi leswi hlamuseriwaka eka xitiviso; kumbe b a hluleka ku va kona ekhoto, u ta va na nandzu no faneriwa hi ku xupuriwa ku ya hi leswi hlamuseriwaka eka xinawana.
a Loko khoto yi enerisiwile leswaku xitiviso ku ya hi xiyenge xa 84d xa Nawu xi nyikiwile mumangaleriwa na leswaku mumangaleriwa u hluleke ku va kona eka ndhawu na hi siku na nkarhi leswi hlamuseriwaka eka xitiviso, kumbe loko yi enerisiwile leswaku mumangaleriwa u hlulekile ku va kona ekhoto, yi ta humesa xileriso xa leswaku mumangaleriwa a khomiwa.
c Loko mumangaleriwa a tisiwa ekhoto, no langutisisa xivangelo xo hluleka ku ta ekhoto handle ka loko mumangaleriwa a enerisa khoto leswaku ku hluleka ka yena a ku nga ri xihoxo xa yena, a nga voniwa nandzu lowu boxiweke eka xinawana xa 2 no gweviwa kumbe a rihisiwa kumbe a pfaleriwa nkarhi wo ka wu nga hundzi tsevu wa tin?hweti.
Xikombelo xo tlherisela endzhaku kumbe ku vekela etlhelo xileriso xa nsirhelelo
Xikombelo xo tlherisela endzhaku kumbe ku vekela etlhelo xileriso xa nsirhelelo, lexi hlamuseriwa hi vuenti eka xiyenge xa 10 xa Nawu, xi fanele ku endliwa hi xivumbeko lexi fambelanaka na Fomo ya 12 ya Annexure.
Xitiviso xo tlherisela endzhaku kumbe ku vekela etlhelo xileriso xa nsirhelelo
 Xitiviso xo tlherisela endzhaku kumbe ku vekela etlhelo xileriso xa nsirhelelo, lexi hlamuserwaka hi vuenti eka eka xiyenge xa 10 xa Nawu, xi fanele ku va hi xivumbeko xa Fomo ya 13 ya Annexure.
Xitiviso lexi boxiweke eka xinawana xa 1 xi fanele ku hundziseriwa hi matsalana wa khoto eka mumangaleriwa hi ku xi yisa hi nexe kumbe a xi rhumela hi poso.
Vukorhokeri bya matsalwa
 Vukorhokeri bya tsalwa rihi na rihi ku ya hi Nawu kumbe swinawana, handle ka laha Nawu kumbe swinawana swi hlamuselaka hi ndlela yin?wana, byi fanele ku endliwa ku ri hava ku hlwerisiwa hi a matsalana wa khoto hi ku yisa kumbe ku hlamusela hi ku yisa khopi leyi tiyisisiweke ya tsalwa eka munhu loyi tsalwa ra 1 ri faneleke ku yisiwa eka yena kumbe ku rhumeriwa khopi leyi tiyisisiweke ya tsalawa eka munhu hi poso;
b murhumiwa sheriff wa khoto ku ya hi swihlawulekisi swa Nawa wa Makhotso ya Majisitarata, 1944 Nawu wa 32 wa 1944, na Milawu leyi kandziyisiweke ku ya hi xiyenge xa 6 xa Milawu ya Huvo ya Nawu wa Makhotso, 1985 Nawu wa 107 wa 1985; kumbe c muofisi wa ku rhula ku ya hi swihlawulekisi swa Nawu wa Endlelo ra Vugevenga, 1977 Nawu wa 51 wa 1977 , mayelana na vukorhokeri bya masamanisi.
Matsalana wa Khoto la rhumelaka khopi y matsalwa ku ya hi swinawana swa 1a eka munhu loyi a faneleke ku kuma matsalwa, u fanele ku lava vumbhoni byo kombisa leswaku u xi kumile xileriso naswona xi fanele ku tlheriseriwa eka yena hi muyimeri wa poso la faneleke.
Munhu la nga na mpfumelelo wo endla vukorhokeri kuya hi xinawana 1, loyi a nga ri ki xirho xa Vukorhokeri bya Maphorisa ya Afrika Dzonga a nga, eka nandzu wihi kumbe wihi laha vukorhokeri bya tsalwa byi hlanganaka na ku tika kumbe byi nga languteriwaka, a nga kombela xirho xa Vukorhokeri bya Maphorisa ya Afrika Dzonga ku n?wi pfuna hi vukorhokeri bya tsalwa rihi na rihi leri hlamuseriwaka eka Nawu na swinawana leswi.
Mumangari kumbe mumangaleriwa loyi a lavaka tsalwa ku va ri humesiwa ku ya hi Nawu kumbe swinawana u ta va na vutihlamuleri bya tihakelo ta vukorhokeri byebyo: ntsena loko matsalana wa khoto, endzhaku ko langutisa vumbhoni tanihi leswi a nga swi lavisaka xiswona, a nga vula leswaku Mfumo wu ta va na vutihlamuleri bya madurhelo ya vukorhokeri byihi na byihi ku ya hi Nawu kumbe swinawana leswi loko a twa a enerisekile leswaku mumangari na mumangaleriwa kuya hi leswi nga va ka xiswona, kumbe hi vumbirhi, a va na mali yo hakela tihakelo teto hi nkarhi lowu vukorhokeri byi laviwaka ha wona.
Nhlokomhaka yo koma
Swinawana leswi swi ta vuriwa Swinawana swa Madzolonga ya Mindyangu, 1999, naswona swi ta sungula ku tirha hi ti 15 N?wendzamhala 1999.
FOMO YA 1
Swinawana swa 2
XITIVISO EKA MUMANGARI EKA NANDZU WA MADZOLONGA YA MINDYANGU
XIYENGE XA 2(a) XA NAWU WA MADZOLONGA YA MINDYANGU, 1998 (NAWU WA 116 WA 1998)
Xitiviso lexi xi hlamusela timfanelo ta wena na magoza lawa u faneleke ku ya teka ku tisirhelela, vana va wena na/kumbe swirho swin?wana swa ndyangu. Loko endzaku ko hlaya xitiviso lexi, ku ri na swin?wana leswi u nga swi twisisiseki ndzi ta ringeta hilaha ndzi nga swi kotaka ha kona ku ku hlamusela. Loko mina kumbe swirho swin?wana swa Vukorhokeri bya Maphorisa ya Afrika Dzonga leswi nga kona swi hluleka ku hlamula eka swivutiso swa wena mayelana na xitiviso, u nga tihlanganisa na matsalana wa khoto ya majisitarata ku kuma mahungu hi xitalo.
Mina, tanihi xirho xa Vukorhokeri bya Maphorisa ya Afrika Dzonga ndzi ta ku pfuneta hilaha swi lavekaka ha kona ku y ahi xiyimo kukatsa no ku pfuna kumbe ku endla malulamiselo yo-
U nga mangala nandzu ehenhla ka munhu la endleke madzoonga ya mindyangu (loyi a nga ta vuriwa mumangaleriwa) loko leswi a swi endleke swi vaka nandzu wa vugevenga leswi nga ta lavisisiwa hi maphorisa.
Ku engtela, u nga endla xikombelo, hi siku rihi na rihi na nkarhi wihi na wihi, xa xileriso xa nsirhelelo eka Khoto ya Majisitarata eka ndhawu leyi-
u tshamaka eka yona, u fambisaka bindzu kumbe u thoriweke eka yona, swa nkarhi hinkwawo kumbe nkarhinyana;
mumangaleriwa a tshamaka kona, fambisa bindzu kumbe a thoriweke; kumbe laha madzolonga ya mindyangu ya humeleleke kona.
Ndzi ta ku nyika fomo ya xikombelo loko u lava ku endla xikombelo xa xileriso xexo. A swi bohi ku pfula nandzu ku endlela ku kuma xileriso xa nsirhelelo.
Khoto yi ta langutisa xikombelo xa wena naswona yi nga humesa xileriso xa nkarhinyana lexi nga ta-
tirha ntsena endzhaku ka loko xi yisiwile eka mumangaleriwa (laha u faneleke ku xi hakelela handle ka loko u nga ri na mali); no va xi tirha swa nkarhi wo karhi.
Endzhaku ka nkarhi wolowo, khoto yi ta langutisisa ku humesa xileriso xa nkarhi hinkwawo.
Eka xikombelo xa wena u nga kombela khoto ku yirisa mumangaleriwa eka ku endla madzolonga ya mindyangu yan?wana;
kuma mpfuneto eka un?wana leswaku a endla madzolonga ya le mindyangwini;
nghena laha u tirhaka kona, ekaya kumbe laha u tshamaka kona kumbe kun?wana;
sivela wena kumbe n?wana wihi na wihi loyi u tshamaka na yena ku va a nghena kumbe a tshama eka ndhawu yeleyo.
endla swihi na swihi leswi bohiweke hi khoto.
U nga kombela khoto ku va yi nga paluxi kherefu ya wena ya vutshamo eka mumangaleriwa. Khoti yi nga tlhela, hi ku ku sirhelela no ku nyika vuhlayisewki, rihanyo na vunene yi-
xileriso xa leswaku mumangaleri a hakela rhente, bondo kumbe mpfuneto wun?wana wa mali (ku fana na madurhelo ya swa rihanyo no lahlekeriwa hi muholo);
alela mumangaleriwa ku tihlanganisa na vana va wena;
lerisa ku tekiwa ka xibalesa kumbe xitlhavana xa nghozi lexi a nga na xona kumbe lexi lawuriwaka hi mumangaleriwa;
lerisa leswaku muofisiri wa ku rhula a famba na wena leswaku a ku pfuna ku teka nhundzu ya wena;
tirhisa swiyimo swihi na swihi leswi u vonaka swi fanerile.
Loko xileriso xiendliwile; khoto yita humesa xileriso xo pfalela mumangaleriwa. Leswi swi vula leswaku mumangaleriwa a nga khomiwa loko a tsandzeka ku landzelela zileriso xa nsirhelelo na loko u nyikile maphrorisa masamanisi na affidavit leyi hlamuselaka leswaku mumangaleriwa u tlule xileriso.
XITSUNDZUXO: I nandzu loko u nyika mahungu yo hoxeka hi ku tiyimisela loko u endla xikombelo xa xileriso xa nsirhelelo kumbe loko u pfula nandzu, u ta hehliwa naswona u nga voniwa nandzu.
FOMO YA 2
Xinawana xa 4
XIKOMBELO XA XILERISO XA NSIRHELELO
XIYENGE XA 4 XA NAWU WA MADZOLONGO YA MINDYANGU, 1998 (NAWU WA 116 WA 1998)
U nga mangala nandzu ehenhla ka munhu loyi a ku xaniseke hi madzolonga ya mindyangu (loyi a vuriwaka mumangaleriwa) loko matikhomelo ya mamangaleriwa ya ri na nandzu leswi nga ta lavisisiwa hi maphorisa.
U nga endla xikombelo, siku na nkarhi wihi na wihi, xa xileriso xa nsirhelelo eka Khoto ya majisitarata eka ndhawu-
leyi u tshamaka eka yona, u fambisa bindzu kumbe u tirha, swa nkarhi hinkwawo kumbe nkarhinyana;
laha mumangaleriwa a tshamaka kona, a fambisaka bindzu kumbe a thoriwile;
leyi madzolonga ya le ndyangwini ya humeleleke kona.
Ndzi kota ku ku nyika fomo ya xikombelo loko u lava ku endla xikombelo xa xileriso xexo. A hi swa nkoka ku pfula nandzu ku endlela ku kuma xileriso xa nsirhelelo.
Khoto yi ta langutisisa xikombelo xa wena naswona yi nga humesa xileriso xa nkarhinyana lexi nga ta ?
tirha ntsena endzhaku ka loko xi yisiwile eka mumangaleriwa (madurhelo ya kona u fanele ku hakela handle ka loko u nga ri na mali); no va yi tirha swa nkarhi wo karhi.
Endzhaku ka nkarhi wo karhi Khoto yi nga langutisa ku nyika xileriso xa nkarhi hinkwawo.
Eka xikombelo xa wena u nga kombela Khoto ku sivela mumangaleriwa ku endla madzolonga wahi na wahi ya mindyangu;
pfuniwa hi munhu un?wana ku endla madzolonga wahi na wahi ya mindyangu;
nghena ekaya ka wena kumbe laha u tshama kona kumbe xiphemu xihi na xihi xa leswi;
nghena eka ndhawu yo karhi laha utshamaka kona;
nghena entirhweni wa wena;
ku sivela kumbe ku sivela vana va wena lava tshamaka na wena ku nghena kumbe ku ya emahlweni va tshama na wena kumbe xiphemu xin?wana xa kona;
endla swin?wana swa leswi bohiweke hi Khoto.
U nga kombela Khoto leswaku yi nga paluxi kherefu ya wena eka mumangaleriwa. Hi ku sirhelela wena, Khoto yi nga tlhela yi vona leswaku u hlayiseka no hanya kahle hi ku -
lerisa leswaku mumangaleriwa u hakela rhente, bondo na mpfuneto wun?wana wa timali (ku fana no lahlekeriwa hi muholo na madurhelo ya swa rihanyo);
alela mumangaleriwa ku tihlanganisa na vana va wena;
lerisa ku va mumangaleriwa a tekeriwa switlhavatlhavana swihi na swihi swa nghozi leswi a nga na swona;
lerisa leswaku muofisiri wa ku rhula a famba na wena ku ku pfuna ku teka nhundzu ya wena; no vekela swiyimo swin?wana leswaku yi vonaka leswaku swa boha.
Loko xileriso xi endliwile, Khoto yi ta humesa masamanisi yo khoma mumangaleriwa, leswi vulaka leswaku mumangaleriwa a nga khomiwa loko a tsandzeka ku landzelela swilaveko swa xileriso xa nsirhelelo.
XITSUNDZUXO: I nandzu ku va u lumbeta mumangaleriwa eka affidavit.
FOMO YA 4
Xinawana xa 6
XILERSO XA NSIRHELELO XA NKARHINYANA
XIYENGE XA 5 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 5
Xinawana xa 7
XITIVISO EKA MUMANGALERIWA XO KOMBISA XIVANGELO (YISA SWIVANGELO) XO LESWAKU HIKWALAHO KA YINI XILERISO XA NSIRHELELO XI NGA FANELANGI KU NYIKIWA
XIYENGE XA 5 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 6
Xinawana xa 8a]
XILERISO X NSIRHELELO
XIYENGE XA 6 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 7
Xinawana xa 8b]
XILERISO X NSIRHELELO
XIYENGE XA 6 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 8
Xinawana xa 9
MASAMANISI YO KHOMA
XIYENGE XA 8 (a) XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 9
Xinawana xa 10
AFFIDAVIT HI XIKONGOMELO XO YISA EMAHLWENI MASAMANISI YO PFALELA
XIYENGE XA 8 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 10
Xinawana xa 11
AFFIDAVIT MAYELANA NO TLULA XILERISO XA NSIRHELELO
XIYENGE XA 8 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 11
Xinawana xa 121]
XILERISO XO VA KONA EKHOTO
XIYENGE XA 8 (c) XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 12
Xinawana xa 13
XIKOMBELO XO VEKELA ETLHELO XILERISO XA NSIRHELELO
XIYENGE XA 10 XA NAWU WA MADZOLONGA YA MINDYANGU, 1998 (NAWU WA 116 WA 1998)
FOMO YA 13
Xinawana xa 141]
XITIVISO XO VEKELA ETLHELO XILERISO XA NSIRHELELO
XIYENGE XA 10 XA NAWU WA MADZOLONGA YA MINDYANGU, 1998 (NAWU WA 116 WA 1998)
